செஸ் ஒலிம்பியாட் போட்டியில் பங்கேற்க உலகம் முழுவதும் 190 நாடுகளிலிருந்து 2 ஆயிரத்துக்கும் மேற்பட்ட விளையாட்டு வீரர்கள் சென்னை மாநகரத்திற்கு வர உள்ளனர்.

நடைபெற இருக்கின்ற 44 வது சர்வதேச சதுரங்கப்போட்டியானது வருகின்ற ஜூலை 28 ஆம் தேதி முதல் தொடங்கி அடுத்த மாதம் ஆகஸ்ட் 10 ஆம் தேதி வரை மாமல்லபுரத்தில் நடைபெறவுள்ளது. சர்வதேச சதுரங்கப் போட்டி துவக்க நிகழ்ச்சி நேரு உள்விளையாட்டு அரங்கில் நடைபெறவுள்ளது. இந்நிகழ்ச்சியில் பிரதமர் நரேந்திர மோடி பங்கேற்று போட்டியை துவக்கி வைக்கவுள்ளார்.

இப்போட்டியில் உலகம் முழுவதும் 190 நாடுகளில் இருந்து 2 ஆயிரத்துக்கும் மேற்பட்ட விளையாட்டு வீரர்கள் பங்கேற்க உள்ளனர். அவர்கள் தங்குவதற்காக சென்னை, தாம்பரம் காவல் ஆணையரகம் மற்றும் செங்கல்பட்டு மாவட்ட காவல் நிலைய எல்லைக்குட்பட்ட பகுதிகளில் 37 நட்சத்திர விடுதிகள் மற்றும் ரிசார்ட்டுகள் ஏற்பாடு செய்யப்பட்டுள்ளது. போட்டியில் கலந்துகொள்ள ஓ.எம்.ஆர் மற்றும் ஈ.சி.ஆர் சாலைகளை பயன்படுத்தி மாமல்லபுரம் செல்ல திட்டமிடப்பட்டுள்ள நிலையில், அந்த சாலைகளில் முழுமையான பாதுகாப்பு பணிகளை மேற்கொள்ள ஏற்கனவே 4 ஆயிரம் போலீசார் ஈடுபடுத்தப்படவுள்ளதாக தமிழக காவல்துறை சார்பில் தகவல்கள் தெரிவிக்கப்பட்டுள்ளது.

இந்நிலையில் செஸ் ஒலிம்பியாட் துவக்க நிகழ்ச்சியில் பங்கேற்க சென்னை வரவிருக்கும் பிரதமர் மோடி வருகையையொட்டி சென்னை முழுவதும் 5 அடுக்கு பாதுகாப்பில் 22 ஆயிரம் போலீசார் பாதுகாப்பு பணியில் ஈடுப்படுத்தப்படவுள்ளதாக சென்னை காவல் ஆணையரகம் தெரிவித்துள்ளது.

பிரதமர் மோடி தனி விமானத்தில் சென்னை வந்து பின் இராணுவ ஹெலிகாப்டர் மூலம் அடையாறு விமான தளம் செல்கிறார். பின்னர் அங்கிருந்து சாலை வழியாக மாலை 6 மணியளவில் நேரு உள் விளையாட்டு அரங்கில் நடைபெறவுள்ள நிகழ்ச்சியில் பங்கேற்றுவிட்டு, அதன் பின்னர் 7.50 மணிக்கு அங்கிருந்து புறப்பட்டு ராஜ்பவனுக்குச் சென்று அன்று இரவு தங்கி ஓய்வெடுக்க இருக்கிறார்.

அதற்குப்பின் மறுநாள் காலை 10 மணியளவில் அண்ணா பல்கலைக்கழக பட்டமளிப்பு விழாவில் பங்கேற்கும் அவர், நிகழ்ச்சிக்குப் பின் சுமார் 11.30 மணியளவில் மீண்டும் சாலை வழி பயணம் மேற்கொண்டு பின் விமான நிலையம் சென்று அங்கிருந்து 12 மணியளவில் மீண்டும் தனி விமானம் மூலம் டெல்லி புறப்பட்டு செல்லவுள்ளார்.

இந்நிலையில் பிரதமர் வருகையையொட்டி சென்னை விமான நிலையம், நேரு உள்விளையாட்டு அரங்கம், மற்றும் அடையார் ஐ.என்.எஸ் ஆகிய இடங்களைச் சுற்றி சென்னை காவல் ஆணையர் சங்கர் ஜிவால் தலைமையில் 4 கூடுதல் ஆணையர்கள், 7 இணை ஆணையர்கள் மற்றும் 26 காவல் துணை ஆணையர்கள் என 22 ஆயிரம் போலீசார் பாதுகாப்பில் 5 அடுக்கு பாதுகாப்பு போடப்பட்டுள்ளதாகவும் காவல் ஆணையரகம் தெரிவித்துள்ளது.

குறிப்பாக நிகழ்ச்சி நடைபெறும் நேரு உள்விளையாட்டரங்கம் மற்றும் அதனை சுற்றியுள்ள பகுதிகளில் மட்டும் 6000 போலீசார் பாதுகாப்பு பணியில் ஈடுபட உள்ளதாகவும், சென்னை மாநகருக்குள் பிரதமர் மோடி செல்லும் வழித்தடங்களில் 50 மீ இடைவெளிவிட்டு போலீசார் பாதுகாப்புப் பணியில் ஈடுபடுவர். அதேபோல உயரமான கட்டிடங்கள் மற்றும் உயர் கோபுரங்கள் ஆகியவற்றிலும் போலீசார் நிறுத்தப்பட்டு கண்காணிப்புப் பணிகள் மேற்கொள்ளப்படும்.

மேலும், பிரதமர் மோடி வந்து செல்லும் இரு தினங்களும் சென்னை மாநகருக்குள் ட்ரோன்கள், ஆளில்லா சிறிய ரக விமானங்கள் மற்றும் இராட்சத பலூன்கள் உள்ளிட்டவை பறக்க தடை விதிக்கப்பட்டுள்ளதாகவும் மீறினால் நடவடிக்கை எடுக்கப்படும் எனவும் சென்னை காவல்துறை எச்சரித்துள்ளது.

Anniyans Chess olympiad set

44-வது செஸ் ஒலிம்பியாட் போட்டி இன்று தொடக்கம்

44-வது செஸ் ஒலிம்பியாட் போட்டி சென்னையை அடுத்த மாமல்லபுரத்தில் இன்று தொடங்குகிறது. செஸ் ஒலிம்பியாட் போட்டியின் பிரமாண்டமான தொடக்க விழா சென்னை நேரு உள் விளையாட்டு அரங்கில் மாலை 6 மணிக்கு நடைபெறுகிறது. இதில், தமிழகத்தின் கலாசாரம் மற்றும் பாரம்பரியத்தை பறைசாற்றும் கண்கவர் கலை நிகழ்ச்சிகளுக்கு ஏற்பாடு செய்யப்பட்டுள்ளது. முதலமைச்சர் மு.க.ஸ்டாலின் தலைமையில் நடைபெறும் இந்த விழாவில் பிரதமர் நரேந்திர மோடி கலந்து கொண்டு போட்டியை தொடங்கி வைக்கிறார்.